|
Fy enw i yw Siân Phillips ac rwyf yn gweithio i Menter Cwm Gwendraeth yn ardal Llanelli. Dechreuais y swydd ym mis Hydref 2009 ac ers hynny rwyf wedi ceisio hybu ac ymestyn diwylliant y dref i drigolion Llanelli yn ogystal ag ymwelwyr i’r dref trwy gyfrwng y Gymraeg a’r Saesneg. Rydw i wrthi ar hyn o bryd yn dechrau gwneud ymchwil ar “Llanelli Gudd”.
Teimlaf fod digon o gyhoeddusrwydd wedi bod a marchnata wedi ei wneud i atyniadau twristiaeth y dref gan gynnwys Parc Trostre, Parc y Scarlets a Pharc Arfordirol y Mileniwm.
Hoffwn gael barn trigolion Llanelli ynglŷn â llefydd gwahanol, cyffrous yn yr ardal nad oes neb lawer yn gwybod amdanynt. Gall y rhain fod yn llefydd o brydferthwch naturiol neu hyd yn oed rhywbeth mor syml â thafarn neu fwyty arbennig sydd yn adlewyrchu ysbryd cyfeillgar trigolion y dref.
Fy mwriad i ar ôl casglu’r adborth yma yw ceisio creu trac sain i Lanelli er mwyn i ymwelwyr a thrigolion y dref gyhyd allu teithio o amgylch Llanelli gan aros mewn mannau o bwys wrth ystyried diwylliant y dref a chlywed sylwebaeth ddwyieithog am y mannau yma.
Hoffwn i’r trac sain yma gynnwys eich adborth chi, fel mudiadau a thrigolion y dref, ynglyn â mannau cudd pwysig yn Llanelli er mwyn gallu rhoi mewnwelediad i ymwelwyr o gyffro a phrydferthwch y gwir Llanelli.
Byddwn yn ddiolchgar iawn petaech yn gallu enwebu lle i fod yn rhan o "Llanelli Gudd" naill ai drwy ysgrifennu "comment" ar yr erthygl yma neu e-bostio
This e-mail address is being protected from spambots. You need JavaScript enabled to view it
Hoffwn ddiolch yn fawr i chi am eich cydweithrediad ac edrychaf ymlaen i rhannu eich profiadau.
|
|
|
Mae Menter Cwm Gwendraeth Llanelli yn trefnu Bore o Hwyl i'r teulu yng Nghanolfan y Selwyn Samuel Llanelli. Bydd y bore yn dechrau am 10am ac yn gorffen am 12pm. Bydd Sarah Jambori yn dod am 1030am i ddawnsio ac i ganu gyda'r plant. Bydd gweithgareddau eraill yno megis peintio gywnebau, gemau, chwaraeon. Pris mynediad bydd £1 i oedolion yn cynnwys tocyn raffl. Dewch yn llu.
|
|
Mae cyfle gwych wedi codi i ddysgu Cymraeg Sylfaenol gyda Menter Cwm Gwendraeth Llanelli. Rydym yn bwriadu cynnal dosbarthiadau Cymraeg i Oedolion yn ein swyddfeydd yn Llynnoedd Delta Llanelli yn dibynnu ar ddiddordeb. Bydd y dosbarthiadau yn cael eu cynnal rhwng 7-9yh ar noson sydd eto i'w drefnu. Mi fydd yn gyfle gwych i i'r rheini sydd am ddefnyddio'r Gymraeg fel rhan o'u gwaith a'u bywyd dyddiol i ddysgu rhai ymadroddion cyffredin ac hefyd i rhieni ifanc ddysgu brawddegau sylfaenol petai eu plant mewn ysgol Gymraeg. Os hoffech fynychu diddordeb yn y dosbarthiadau, cysylltwch â Siân ar 01554 755994.
|
|
|
Dosbarthiadau Yoga yn ail-ddechrau |
|
Mae’r dosbarthiadau yoga i ddechreuwyr yn ail-ddechrau ar ol gwyliau’r Pasg ar nos Fawrth Mai 4ydd rhwng 7.15 a 8.45yh yng Nghanolfan Gymunedol Llangennech. Mae’r dosbarthiadau wedi bod yn llwyddiant hyd yn hyn ond hoffen gael mwyn o aelodau i ymuno. Os hoffech fwy o wybodaeth neu i ymuno a’r dosbarth cysylltwch â 01554 755994.
|
|
Mae Menter Cwm Gwendraeth Llanelli yn cynnal Cyngerdd Gŵyl Ddewi yng nghapel Als, Llanelli, ar nos Fawrth Mawrth 23ain i godi arian i Ysgol Heol Goffa. Bydd eitemau yn cael eu cynnig gan Gôr Scarlets, yr unawdydd Karen Powell, Ysgol Gymraeg Dewi Sant, Ysgol Ffwrnes, Ysgol Gyfun y Strade, Ysgol Parc y Tywyn ac Ysgol Gymraeg Brynsierfel. Bydd y noson yn dechrau am 7yh a phris y tocynnau fydd £5. Bydd te, coffi a chacen yn gynwysedig yn y pris! Tocynnau ar gael gyda’r ysgolion neu’r Fenter. Am fwy o wybodaeth, cysylltwch â 01554 755994.
|
|
|
|
|
<< Start < Prev 1 2 3 Next > End >>
|
|
Page 1 of 3 |
Tudalen Menter
